ქართველი მებრძოლის ალექსანდრე გრიგოლაშვილის უკანასკნელი პოსტი სოციალურ ქსელში, რომელიც 18 დეკემბერს, უკრაინაში რუსმა სეპარატისტებმა მოკლეს.

"ჩემს გვერდით არიან ქართველი ლეგიონერები, მამუკა მამულიშვილის მეთაურობით, რომლებიც სრულიად უანგაროდ, ყოველგვარი მატერიალური ანაზღაურების გარეშე იბრძვიან უკრაინაში. ჩვენ გვჯერა, აქ წყდება საქართველოს ბედი და მისი მომავლის დასაცავად არაფერს დავიშურებთ. მაქვს პატივი ვემსახურო საქართველოს, "-წერდა ალექსანდრე გრიგოლაშვილი "ფეისბუკის" პირად გვერდზე.

ქუთაისელი ალექსანდრე გრიგოლაშვილი, რომელიც უკრაინაში რუსი სეპარატისტების წინააღმდეგ იბრძოდა, 18 დეკემბერს დაიღუპა. იგი 32 წლის იყო. გრიგოლაშვილი 2007-2008 წლებში საქართველოს შეიარაღებულ ძალებში მსახურობდა.

მან მის მეგობარს გარდაცვალებამდე ორი თვით ადრე მიწერა:

"ეგ არავინ იცის ძმაო. აქ რომ რამე დამემართოს რა არის გამორიცხული? მე რა უნდა დამემართოს? მაგისთვის ვარ დაბადებული, ჩემი დანიშნულება დედამიწაზე ომია უსამართლობის წინააღმდეგ, "-ნათქვამია წერილში.